南韓上網好幫手

呢個就係上次講過, 係南韓可以租到嘅Pocket Hotspot (Wifi) ,
今次係呢度講番細節, 希望幫到大家

圖中蛋上面黑色長方形就寫上SSID 同密碼.

因為南韓係用CDMA制式, 所以基本上冇可能好似其他國家咁出一張當地SIM CARD, 作上網漫遊之用. 一係你就要租一部電話, 咁樣方唔方便真係見仁見智.
所以呢個HOTSPOT WIFI 係外遊時解決上網問題嘅其中一個最好方案(其實如果冇需要AIRTIME(通話), 呢個可能係最好方案)

簡單去講, 當你租左佢, 只要佢在生一日(有電) , 你都可以透過佢發出嘅WIFI 訊號去上網, 最多可以接連7部通訊設備(電話, 電腦等等). 所以兩個人以上用係底到爆, 我上次5個人用, 每人一日只係10蚊!!!

有個靚仔盒, 有埋叉電器係裡面(據我理解可以免費借車叉)

收費: 8000WON (約HKD56 一日) 要俾150000WON按金) 最終係還機時結帳.

租/還: 首爾同釜山機場都可以租及還. 租同還唔一定要係同一個地點. 但租機時會問租用時間, 合約上講過左你原本打算租用嘅時間, 會停止服務. 不過可以提早交還.

覆蓋: 南韓大部份主要城市市區.

留意: 電源只可用9小時. 基本上唔夠用一日. 加上如果你部電話咁上網之下應該都用唔到一日. 所以要帶定後備電源. 呢隻蛋係用Micro USB嘅.

 

收費表, 如果對你有用就唔該講聲「唔該哂」, 因為呢間公司嘅網站只有韓文.
(EGG 個項就係隻蛋)

下次講泰國可以點上網.